Gouriz

Ur gouriz a zo ur vandenn danvez pe lêr (pe danvezioù all) gwevn peurliesañ, stag pe get ouzh an dilhad. Gwisket e vez tro-dro d'an dargreiz a-benn derc'hel ar bragoù. Implijet e vez ivez evel bitrak giz.

Hervez ar c'hiz e vez gwisket ar gouriz uhel pe get : etre an hantergorf hag an divlez. Ma'z eo gourizoù lêr ar re voutinañ ez eus ivez gourizoù danvez pe plastik. Kinklet e vezont ivez : plezhet pe kinklet gant tachoù e c'hallont bezañ. Meur a zoare a zo ivez da lakaat ur gouriz da zerc'hel : gant ur skoulm, gant ul lagadenn pe un doare all da stardañ.